هيمان زايڵه‌ی موور به‌دبه‌ختی

داره‌ به‌ڕويه‌گانيش هاورده‌ گيرستن و

خوين روڵه‌يل سته‌مديده‌م

هه‌يمان له‌ناو ئه‌شكه‌فته‌يل تيه‌ريك

وشكه‌و نه‌ويه‌،

له‌خوه‌رئاوای كوردستانيش

هاوار وناڵه‌ی مناڵه‌يل كورپه‌

چه‌و فريشته‌يل ئاسمانيش

پڕ له‌ ئه‌سر خويناوی كردگه،‌

سه‌رله‌نوو ماڵه‌ كورديل سته‌مديده‌

كووڵ پيچان و ڕی ئاواره‌يی گرتنه‌سه‌‌ وه‌ر

يه‌سه‌ دواره‌ زرمه‌ی ته‌پڵ نائوميديه‌‌

شين و واوه‌يلای داڵگه‌يل كوڕكوشياگه‌

خه‌م و په‌ژاره‌يگ تر كه‌ڵه‌كه‌چن كريا

هيمان زه‌خم كويه‌ن كورد باشوورساڕيژ نه‌ويه‌

ئه‌ی خودا، خه‌م كورد تاكه‌ی؟

تاكه‌ی ده‌رد ژير ده‌وار ئاواره‌يی؟

خودايا،

با واران ره‌حمه‌تد ئيجاره‌ خوڕه‌م بوود

با ئيجاره‌ دويا ڕه‌و كورد بوود

ته‌ز مه‌ينه‌تی و شه‌كه‌تی وه‌جاريگ

له‌ جه‌سه‌ی كورده‌يل بخه‌ كنار

كوردستانيش له‌ خه‌م ژيرده‌سه‌يی درار