پـرزه‌ی  واران وه‌هــار ئـه‌سـر گـلاره‌ی چـه‌وده

ئـی دڵ لامـه‌ســه‌وه‌ پــڕ لــه‌ پــه‌ژاره‌ی  چــه‌وده

عــاشــق  ســـه‌وداســه‌ر بــاده‌و ‌شـــه‌راو نـــاودم

تــار و تـاريــكـه‌ چــه‌وم زه‌رد‌ی سپێده‌م  چـه‌وده

نــازه‌نيــن  يـارم ئـه‌زيـزم، مـاڵ و ميـنم  چــه‌وده‌‌‌

مـوونـس تـه‌نـيـايـی و دڵــه‌ی خـه‌مـيـنـم  چــه‌وده‌

سـه‌رسپـرده‌و سه‌رمه‌س  چه‌وه‌يل چوی سه‌راودم

چـه‌نـێ چـه‌ن ساڵـه‌ گوڵم، چه‌وم چه‌وه‌ڕێ چه‌وده‌

ده‌رده‌دارم، سـه‌رچـه‌وه‌ی ده‌رد و بـه‌ڵاگه‌م چه‌وده‌

سـه‌رگـه‌ردان وبـێ پـه‌نـا، تـه‌نيـا پـه‌ناگـه‌م چه‌وده‌

ئـاخـرشـه‌ڕم، ڕه‌نـج بێوه‌رم، ده‌روه‌ده‌ر و خراودم

مـه‌مـه‌ر ده‌روه‌ده‌ريـم ئـاهــ و نـزويـلـه‌ی چــه‌وده‌