هه‌ر زه‌رده‌خنه‌یگ كردمه‌
جورمی دامه‌
هه‌رخوه‌شییگ هاته‌سه‌ تویشم
خه‌میگ له‌شوونی كیشامه
خوه‌میش نیه‌زانم
ئه‌را به‌خت خوه‌م بگیرم
یا له‌ئه‌زه‌ڵ سیه‌چاره‌م...؟
دونیای چه‌پی چه‌واشه‌یگه‌
پڕ له‌ غه‌درو ناسزای
رووژگاریش بی به‌زه‌یی
تاویگ وه‌مه‌یلم نه‌چه‌رخیا
هه‌وه‌جه‌یل له‌ده‌سدام
ئیسه‌یش له‌سای ئه‌سر چه‌وه‌یل
بیجگه‌ حه‌سره‌ت كاڵ
ته‌زیگ خوه‌شی نه‌ویه‌سه‌ به‌شم
دی نیه‌زانم یه‌قه‌ی كی بگرم،
چوی دڵم بلاونم؟
مه‌ینه‌تی دونیاو چه‌رخ چه‌پگه‌رد
له‌ژیان ره‌نجانه‌م