حه‌پسه خان نه‌قیب
دیوه‌خانه‌گه‌ێ حه‌پسه‌خان هه‌میشه پڕ بوێه له ژنه‌یل سلیمانی و ده‌وروه‌رێ ، هه‌ر ژنێگ توێش كیشه‌ێ كومه‌ڵاێه‌تى یا دارایی باتاگ ، یا زور و سته‌م له‌لێ بكریاتاگ ، په‌نا بردیاده ئه‌ڕا حه‌پسه خان و ماڵه‌گه‌یشێ كردوێگه خوه‌ندنگا ئه‌ڕا ژنه‌یل.
حه‌پسه خان نه‌قیب یه‌كمین قوتابخانه له شار سلێمانی و گشت كوردستان ئه‌ڕا دوێه‌ته‌یل و ژنه‌یل دروس كردێه و ژنه‌یل ئه‌و مه‌ڵوه‌نه هه‌ست كورداێه‌تى له ناویان به‌رز بوێه و له ڕوێ سیاسیه‌وه په‌روه‌رده كریانه.
له 28 حوزه‌یران 1930 یه‌كمین كومه‌ڵه‌ێ ژنه‌یل وه‌ناو كومه‌ڵه‌ێ ئافره‌ته‌یل كورد وه سه‌روكایه‌تی حه‌پسه خان نه‌قیب دامه‌زریاس و باره‌گاێ تایبه‌ت وه‌خوه‌ێ داشتێه.
بێگومان دامه‌زرانن كومه‌ڵه‌ێگ له لاێه‌ن ژنێگه‌وه ئه‌ڕا داكوكى كردن له ماف ژنه‌یل له ناوڕاس نیمه‌ى یه‌كم سه‌ده‌ێ گوزه‌یشته ، نمونه‌ێگ كه‌م وێنه بوێه ته‌نانه‌ت له خوه‌ر هه‌ڵات ناوڕاسیش.
ساڵ 1930 نامه‌ێگ سیاسى مێژویی ئه‌ڕا ڕێكخراو كومه‌ڵه‌ێ نه‌ته‌وه‌یل له شار جینڤ سویسرا نویساس و وه‌شێوه‌ێ ئاشكرا داواێ ماف ملله‌ت كورد له بان خاك كوردستان كردێه و نامه‌گه له وه‌خت خوه‌ێ ده‌نگ گه‌وراێگ داسه‌و.
له سه‌رده‌م دامه‌زرانن كومار مهاباد ، حه‌پسه خان وه‌گشت تواناێگ داراییه‌وه پشتگیرى كوماره‌گه كردێه و شه‌هید سه‌ركرده قازی محه‌مه‌د سوپاسنامه‌ێگ
تایبه‌ت ئه‌ڕاێ كل كردێه و ڕێز فه‌ره‌ێگ له‌لێ داناس.
حه‌پسه خان له ته‌مه‌ن 62 ساڵى و له ڕوژ 12ى نیسان 1953 وه‌نه‌خوه‌شی شێرپه‌نجه گیان سپاردێه و له قه‌ورسان گرد سه‌یوان شار سلیمانی وه‌خاك سپاریاس.
سه‌رچاوه NRT
ج ك
