خوه‌ندنگايگ له هه‌رێم كوردستان خه‌ڵات" ئاخن " ئه‌ڵمانی ئه‌را ئاشتی وه‌رگرت
2013-09-04 10:11:42
.
تووڕ"دوتشه فوله"له لێدوان ريكخه‌ره‌يل ئه‌و ری وڕه‌سمه ك(شه‌فه‌ق نيوز)ئاگاداری بوی، ئه‌وه ده‌رخست ك خوه‌ندنگايگ كوردی له هه‌رێم كوردستان عراق و دو خوه‌ندنگای تر ئه‌ڵمانی خه‌ڵات كريانه‌و دياری ئاخن ئه‌را ئاشتی ساڵ ٢٠١٣ وه‌پيان درياگه له‌شار ئاخن له خوه‌رئاوای ئه‌ڵمانيا ك ئه‌كه‌فيده نزيك سێگووشه‌ی ئه‌ڵمانی – هۆڵه‌ندی – به‌لجيكی.
تووڕ ناوبرياگ يه‌يش ده‌رخست، ك خوه‌ندنگای دهۆك كوردی جه‌هانی له هه‌رێم كوردستان ئه‌و خه‌ڵاته له‌وه‌ر هه‌وڵ وته‌قلای تيكه‌ڵكردن خوه‌نكاره‌يل جياجيای ئايينی و مه‌زه‌وی و نيشانداين ريڕه‌و ژيان ئاشتيانه‌و دوير له تون وتيژی وه‌پی درياگه، ك وه‌و به‌شداريكردن ژيان ئاشتيانه له‌ناونی پيكهاته‌يل ره‌گه‌زی و ئايينی جوراوجوور كوومه‌ڵگا جوانه‌و بوود.
ج . أ
