دادگای توركیا قه‌يه‌غه له‌بان كتاوه‌یل ئۆجالان هه‌ڵگرد
یاسای قه‌يه‌غه‌كردن كتاو و رووژنامه‌گان له توركیا، ساڵ ١٩٥٢ ده‌رچيه و وه خاتریه‌و بیس و دو هه‌زار و ٦٠٠ كتاو و رووژنامه و بڵاوه‌وكرياگ له لیست قه‌يه‌غه كرياگه‌گان بوين.
له چوارچيوه‌ی هه‌ڵوه‌شاننه‌وه‌ی ئه‌و یاسا، قه‌يه‌غه له‌بان دو هه‌زار و ٢٢١ كتاو له ناونیان كتاوه‌یل عه‌بدوڵا ئۆجالان، نازم حكمه‌ت، دورسون كاراتاش، یاڵچین كوچه‌ك، دۆغو په‌رینچه‌ك و ئایه‌توڵا خومه‌ینی قه‌يه‌غه له‌بانيان هه‌ڵگیريا.
له چوارچيوه‌ی سێیه‌مین پاكێج دادوه‌ری ك ١١ی كانوون یه‌كه‌م ساڵ ٢٠١١ ده‌رچی ماده‌یگ له بان یاسای ميديا زیاێ كريا و ئه‌و ماده له په‌نج ته‌ممووز ساڵ ٢٠١٢ خريا بوار جێوه‌جێكردن.
ئه‌ڕا ئاماده‌كردن ئه‌و یاسا وه‌ڕێه‌و‌به‌رایه‌تی ئه‌منیه‌تی توركیا ته‌قالای فره‌ێگ كرد، له چوارچيوه‌ی ئه‌و ته‌قالايه‌يله یه‌ك وه یه‌ك كتاو، رووژنامه و بڵاوه‌وكرياگه‌يل قه‌يه‌غه‌كرياگ هه‌ڵسه‌نگان.
له‌شوون په‌سه‌نكردن ئه‌و یاسا نامه‌یگ له باره‌ی هه‌ڵوه‌شاننه‌وه‌ی ئه‌و كتاوه‌يله ئاراسته‌ی داموده‌زگايه‌يل ئیداریی و دادوه‌ری كرد.
ا. ج
