عه‌لاوی له‌ لێدوانيگ ئه‌را ته‌له‌فزيۆن بريتانی ك(شه‌فه‌ق نيوز)ئاگاداری بوی وت: بايه‌سه‌ له‌بان عراقيه‌يل مه‌سه‌له‌ی دووسی و ده‌س وه‌پيكردن بنيات ده‌وڵه‌ت دام و ده‌زگايه‌يل ديموكراسی وه‌ ته‌واوی جيگير بكه‌ن دوير له‌ تايفه‌گه‌ری ئه‌را روی وه‌ڕوی بوينه‌وه‌ی هه‌ڕه‌شه‌يل جوراوجوور ك سه‌رچه‌وه‌گه‌ی ريكخرياگ قاعيده‌ يا ميليشيايه‌يل تر چه‌كدار بوود له‌ گشت عراق.

هه‌ميش وت: بايه‌سه‌ له‌بان حكوومه‌ت ئيسه‌ی عراقی وه‌ سه‌رۆكايه‌تی نوری مالكی، سێ خاڵ له‌وه‌رچه‌و بگريد ئه‌را ده‌رچگن له‌ی بار گرژه‌ ك عراق وه‌پيا گوزه‌ر ئه‌كا، يه‌كه‌ميان گشت هيزه‌يل سوپا له‌و شاره‌يله‌ بكيشيده‌و ك وجوود له‌تيان ديريدو له‌وانه‌يش رومادی وفه‌لوجه‌، دويه‌ميش ده‌سوه‌پيكردن گفتگوو وه‌ل خوه‌ينيشانده‌ره‌يل ئاشتيخواز و سێيه‌ميش زاڵبوين له‌بان ئه‌وانه‌ك له‌ مه‌رزه‌يل سوری ئه‌يه‌نه‌ ناو خاك عراق.

ج . أ