كۆمسيۆن هه‌قه‌يل ئاده‌ميزاد: ئه‌رك هيزه‌يل ئاسايش مقه‌يه‌تيكردن بوی له خوه‌ينيشانده‌ره‌يل نه‌ك ده‌سدريژی
2013-09-01 10:35:42
ئه‌سمار شه‌تری ئه‌ندام كۆمسيۆن ناوبرياگ و چه‌ودير له‌بان دۆسيه‌ی هه‌قه‌يل و ئازاديه‌يل ئه‌را (شه‌فه‌ق نيوز) وت: لايه‌نه‌يل وه‌رپرس له به‌غداو زيقار بايه‌س بوین كارئاسانی ئه‌را رێكخستن ئه‌و خوه‌ينشانداينه‌يله بكرديان و ئه‌رك هێزه‌يل ئاسايشيش ئه‌وه نه‌وی رویوه‌ڕوی خوه‌ينيشانده‌ره‌يل بوود، به‌ڵكوو بايه‌س بوی مقه‌يه‌تی له‌لیان بكرديان.
شه‌تری هه‌ميش ئدانه‌ی ئه‌و رويداگه‌يله كرد ك له‌تی هێزه‌يل ئاسايش ده‌سدريژی كردنه بان خوه‌ينيشانده‌ره‌يل و خوازيار يه‌يش بوی ك رێ وشوون پرس وپرسكاری بگريه‌يده وه‌ر وه‌خاتر ده‌ركه‌فتن لايه‌ن دريغيكه‌ر و ئه‌وانه‌ك ئی كاره ئه‌نجام دانه.
ج . أ
