مالكی له‌ وتاريگی له‌وه‌خت وازكردن كۆنگره‌ی يه‌كێتی جفتياره‌يل و هاوكاريكرده‌يل كشتوكاڵی عه‌ره‌ب له‌ به‌غدا ك(شه‌فه‌ق نيوز)ئاماده‌ی بوی، وت: عراق ك ئه‌وسا به‌رهه‌مه‌يل كشتوكاڵی كلكردياد، ئيسه‌ بويه‌ هاورده‌كار يه‌كه‌م گشت جووره‌ به‌رهه‌ميگ، وه‌لی تويه‌نستيم تونای كشتوكاڵی خوه‌مان بخه‌يمنه‌ كار له‌ بواره‌يل بڕيگ به‌رهه‌م ك يه‌يش هيليده‌مان فيشتر پشتگيری جفتياره‌يل بكه‌يم.

مالكی له‌ هه‌مان وه‌خت پشتبه‌سانن وه‌ سامانه‌يل نه‌فتی ره‌ته‌و كردو وت: ناخوازيم جوور وڵاتيگ ته‌نيا پشت وه‌ نه‌فت بووه‌سيم، به‌ڵكوو خوازياريم ك جفتيارو زه‌ويكاڵ يه‌كسان سامان نه‌فتی بوون، چوينكه‌ هه‌ر وڵاتيگ خوارده‌مه‌نی خوه‌ی دابين نه‌كا هه‌ميشه‌ ديله‌و ئه‌گه‌ر ئيمه‌ توانای ئه‌و دابينكردنه‌ داشتويم ئه‌وه‌ مانای دابينكردن ژيانمانه‌ له‌ی وڵاته‌و ئيمه‌يش ناخوازيم سامانه‌ نه‌فتيگه‌مان بيه‌يمنه‌ تاڵان ك هه‌رچه‌نی نه‌فت فريه‌يگه‌و شايه‌ت به‌ش سه‌دان ساڵ بكا.

ج . أ