ئاڵاێ داعش له‌بان خوه‌ندگايگ له ئه‌مريكا به‌رزه‌و كريا
2018-02-16 18:03:00
شه‌فه‌ق نيوز/ له خوه‌ندنگايگ ناوه‌ندێ له ولايه‌ت يوتا، ئاڵاى ئه‌مريكى تويش دڕيان هات و ئاڵاى ريكخرياگ ترۆريستى داعش له‌شوونێ به‌رزه‌و كريا.
له‌ى باوه‌ته‌و، ده‌سڵاته‌يل ئه‌مريكى له‌و ولايه‌ته باوه‌ڕيان ئه‌وه‌سه ك شايه‌ت ئى كاره له‌لايه‌ن خوه‌ندكاره‌يله‌و ئه‌نجام گرتوێد، يه‌يش بيجگه ئه‌وه‌گ له‌بان ديواره‌يل خوه‌ندنگاگه‌يش پيته‌يل ريكخرياگ داعش"ISIS"نويساوێد.
جى باسه، په‌يجوريكه‌ره‌يل وه هاوكارى پۆليس شار هوريكان له‌و ولايه‌ته، ره‌سمه‌يليگ ئه‌و ئاڵا هه‌نارده‌ى نويسينگه‌ێ په‌يجوريه‌يل فيدراڵێ كردن وه ئامانج ئه‌نجامداين شيه‌وكارى له‌بانى ئه‌را ده‌رخستن لايه‌ن ئه‌نجامده‌ر.
