شه‌فه‌ق نيوز/ ره‌جه‌ب ته‌يب ئه‌ردوغان سه‌رۆك توركى، متمانه‌يى خوه‌ى ده‌رخست له‌وه‌گ وڵاته‌گه‌ى ها كنار جيوه‌جيكردن سه‌ركه‌فتنه‌يل تازه‌يگ و وت: ئى سه‌ركه‌فتنيشه‌ توركيا و ناوچه‌گه‌يش وه‌ره‌و ئاينده‌ ئه‌وه‌ێد.

ئه‌ردوغان وه‌ بوونه‌ى "جه‌ژن سه‌ركه‌فتن" له‌ په‌ياميگ ئه‌را ملله‌ت توركى وت: شوكر و ره‌حمه‌ت فريه‌يگ ئه‌را مسته‌فا كه‌مال ئه‌تاتورك سه‌ركرده‌ى جه‌نگ سه‌روه‌خوه‌يى و گشت ئه‌و هيزه‌يل سوپاو سه‌ربازه‌يله‌ كلكه‌يم ك سه‌ركه‌فتن وه‌پيمان به‌خشان و داواى ره‌حمه‌تيش ئه‌را شه‌هيده‌يل و ئه‌وانه‌گ ئه‌كه‌م ك به‌شدار بوينه‌و له‌و جه‌نگه‌.

جى باسه‌، ئه‌ردوغام هه‌ميش وت: توركيا له‌وه‌ر خاتر زوڵمليكرياگه‌يل و سته‌مديده‌يل خه‌بات ئه‌كاو باس له‌وه‌يش كرد ك ملله‌ت له‌نوو ئسپات ئه‌وه‌ كردگه‌ خوازيار مقه‌يه‌تيكردن سه‌روه‌خوه‌يى و ئاينده‌يه‌ دژ خواسته‌يل ئمپريالى.