ئه‌مريكا خوازياره رێ وه وڵاته‌يليگ بيه‌ێد له بوار ئه‌تۆمى كار وه‌ل ئيران بكه‌ن
2019-10-31 08:39:21
شه‌فه‌ق نيوز/ وڵاته‌يل يه‌كگرتگ ئه‌مريكا، خوازياره رێ وه كۆمپانيايه‌يل رووسى و چينى و ئۆرپى بيه‌ێد وه‌رده‌وامى بيه‌نه كاره‌يليان له دامه‌زرياگه‌يل ئه‌تۆمى ئيرانى، وه‌لێ سه‌خته له‌بان ئيران بتويه‌نێد په‌ره بيه‌ێده چه‌ك ئه‌تۆمى.
له‌ى باوه‌ته‌و، روێته‌رز وت: دو سه‌رچه‌وه ك نه‌تواستنه ناويان ئاشكرا بكريه‌ێد، باس له‌وه كردنه ئداره‌ى دۆناڵد تره‌مپ رێ وه وه‌رده‌وامى كاركردن ئه‌و وڵاته‌يله ئه‌ياد له‌ڕێ ده‌ركردن وه‌خشين له سزايه‌يل ك رێ وه كۆمپانيايه‌يل غه‌يره ئه‌مريكى ئه‌ياد كار وه‌ل ريكخرياگ وزه‌ى ئه‌تۆمى ئيرانى بكه‌ن.
جى باسه، واشنتۆن له ساڵ گوزه‌يشت خوه‌ى له‌و ريككه‌فتن ئه‌تۆميه كيشاوه ك ئيران ئمزاى كرد وه‌ل گه‌ورا هيزه‌يل له‌ساڵ 2015 و روێ له چه‌سپانن سزا له‌بان ئيران كرد.
