ئه‌نجومه‌ن نوێنه‌ره‌يل ئه‌مريكا دۆناڵد تره‌مپ دويره‌و خست
2019-12-19 07:58:10
شه‌فه‌ق نيوز/ ئه‌نجومه‌ن نوێنه‌ره‌يل ئه‌مريكا، ده‌نگ له‌بان لاوردن دۆناڵد تره‌مپ سه‌رۆك ئه‌مريكى دا، وه‌بوونه‌ى دو دوسيه ك پيكهاتنه له خراوى وه‌كارهاوردن ده‌سڵاته‌گه‌ى و دروسكردن گرفت ئه‌را كار كۆنگرس.
ئه‌وه‌گ په‌يوه‌سه وه دوسيه‌ى خراو وه‌كارهاوردن ده‌سڵاته‌گه‌ێ ئه‌وه‌سه ك وه ره‌زامه‌نى 230 ئه‌ندام ده‌نگ له‌بانى دريا وه‌رانوه‌ر ره‌ته‌وكردن 197 ئه‌ندام، يه‌يش له‌وه‌ختيگ له‌باره‌ى كار دروسكردن گرفت ئه‌را كۆنگرس 229 ئه‌ندام ده‌نگ له‌بانى دان وه‌رانوه‌ر ره‌ته‌وكردن 198 ئه‌ندام، ك يه‌يش سێيه‌م جاره ئه‌نجومه‌ن نوێنه‌ره‌يل سه‌رۆك لاوه‌ێد له مێژوو وڵاته‌يل يه‌كگرتگ ئه‌مريكا.
جى باسه، گام ئاينده‌يش خوه‌ى له ده‌نگداين ئه‌نجومه‌ن نوێنه‌ره‌يل و خستنه‌ڕوێى ئه‌را ئه‌نجومه‌ن پيره‌يل دوينێده‌و ك كۆماريه‌يل زاڵن له‌بانى.
