ئه‌نجومه‌ن پيره‌يل ده‌سڵات تره‌مپ له‌باره‌ى جه‌نگ وه‌ل ئيران سه‌خته‌و ئه‌كا
شه‌فه‌ق نيوز/ ئه‌نجومه‌ن پيره‌يل ئه‌مريكى، ده‌سكرده تاووتويكردن پرووژه بڕياريگ ك له‌تى ده‌سڵاته‌يل دۆناڵد تره‌مپ سه‌رۆك ئه‌مريكا ديارێ ئه‌كا له‌باره‌ى جه‌نگ وه‌ل ئيران.
پيشبينى ئه‌كريه‌ێد ده‌نگ له‌بان برياريگ بدريه‌ێد ك په‌يوه‌سه وه ده‌سڵاته‌يل هيز جه‌نگ، ئه‌ويش له‌ساى مه‌ترسى چگن ترمپ وه‌ناو جه‌نگ سه‌ربازى وه‌ل ئيران وه‌بى راوێژكارى كۆنگرس، له‌وه‌ختيگ ك هه‌ق ڤيتۆ وه‌كار بارێد له حاڵه‌ت بڕيارداينى، وه‌لێ زويتر وشدارى له ئه‌نجمومه‌ن پيره‌يل وه‌پى دريا ئه‌را ئه‌وه‌گ مه‌رزيگ ئه‌راى دانريه‌ێد له‌ى باوه‌ته‌و.
يه‌يش له‌وه‌ختيگه ته‌رمپ له تويته‌ر نويساگه: گرنگ ئه‌وه‌سه ئه‌را ئاسايش وڵاته‌گه‌مان ك ئه‌نجومه‌ن پيره‌يل ده‌نگ له به‌رژه‌وه‌ندى بڕيار(هيز جه‌نگ) نه‌يه‌ێد له‌باره‌ى ئيران. دوياتريش نويساگه: ئيمه كار خاسيگ وه‌ل ئيران ئه‌كه‌يم، يه‌يش وه‌خت گونجياگيگه نيه ئه‌را ده‌رخستن ناتوانايى ك ئه‌گه‌ر هه‌ردوگ ده‌سه‌يلم بووه‌سيه‌ێد ده‌رفه‌تيگ وه‌ئيران ئه‌دريه‌ێد له‌بان هساو ئيمه و ئاماژه خراويگ ده‌ركه‌فێد و كۆماريخوازه‌يل ئه‌و كاره ته‌نيا له‌وه‌ر ئه‌وه ئه‌كه‌ن تا ناچار حزب كۆمارى بكه‌ن، جوور ئه‌وه‌گ فرانس پيرێس باسى كرد.
