ئيران به‌ياننامه‌ى لوتكه‌ى مه‌ككه ره‌ته‌و ئه‌كا: نوێنه‌رايه‌تى گشت ئه‌ندامه‌يل ناكا
2019-05-31 09:55:49
شه‌فه‌ق نيوز/ وه‌زير خارجيه‌ى ئيرانى هه‌ردو به‌ياننامه‌ى لوتكه‌يل عه‌ره‌بى و كه‌نداو ئيدانه‌و ره‌ته‌و كرد و وت: ئه‌و هه‌ردوگ به‌ياننامه نوێنه‌رايه‌تى راێ گشت ده‌وڵه‌ته‌يل ئه‌ندام ناكه‌ن.
خارجيه‌ى ئيرانى وت: سعوديه مانگ ره‌مه‌زان و مه‌ككه‌ى پيرووز وه‌كار ئه‌يه‌رێد جوور وه‌سيله‌يگ سياسى دژ ئيران.
خارجيه‌ى ئيرانى يه‌يش ده‌رخست ك سعوديه سياسه‌ت هه‌ڵه‌يگ په‌يڕه‌و ئه‌كا له‌ڕێ جيوه‌جيكردن داواكاريه‌يل ئسرائيل له‌ڕێ بڵاوكردنه‌وه‌ى ناكووكيه‌يل له‌ناونى ده‌وڵه‌ته‌يل ناوچه‌گه‌و ده‌وڵه‌ته‌يل ئسلامى، له جياى خستنه‌ڕوێ و چه‌وديرى ماف ملله‌ت فلستينى و كيشه‌ى قودس بكا.
