ئيران له‌وه‌ر "كۆرۆنا" 54 هه‌زار زيندانيكرياێ ئازاد كرد
2020-03-04 07:59:57
شه‌فه‌ق نيوز/ ده‌سڵاته‌يل ئيرانى، له زووان غوڵام حسێن ئسماعيلى قسه‌كه‌ر وه‌ناو ده‌سڵات دادوه‌رى، ئاشكراى ئه‌وه كرد وه‌شيوه‌يگ وه‌ختى زياتر له 54 هه‌زار زيندانيكرياێ ئازاد كردگه له‌وه‌ر ترس له بڵاوبوينه‌وه‌ى ڤايرۆس كۆرۆنا.
ئسماعيلى وت: ريگه‌داين وه ئازادكردن ئه‌و زيندانيه‌يله وه‌شيوه‌يگ وه‌ختى له‌وه‌ر ئه‌وه بويه ك ته‌ئكيد كرياگه هويچكام له‌ليان تويش ڤايرۆسه‌گه ناتنه، وه‌ل ئه‌وه‌يشا هه‌ر يه‌كيگ له‌ليان وه كه‌فاله‌ت ئازاد كريانه، جوور ئه‌وه‌گ ماڵپه‌ڕ ئيزگه‌ى بريتانى باسى كرد.
جى باسه، ئاماژه وه‌يه‌يش ئه‌كريه‌ێد ئه‌و زيندانيه‌يله ك تاوانه‌يل ئه‌منى گرته‌سه‌يانه‌وه‌و ماوه‌ى سزايه‌يليان زياتر له 5 ساڵه ناكه‌فنه وه‌ر ئى بڕيار تازه.
