دۆناڵد تره‌مپ سه‌رۆك ئه‌مريكا، ئاشكراى ئه‌وه‌ كرد و وت: قسه‌ له‌باره‌ى هه‌ر گاميگ دژ وه‌ ئيران وه‌سه‌ر چێ دوياى ئه‌وه‌گ دامه‌زرياگه‌ نه‌فتيه‌گه‌ى سعوديه‌ گيريا ئامانج و ده‌ركردن هه‌ر بڕياريگيش له‌و باوه‌ته‌و هه‌وه‌جه‌ وه‌ رۆڵ گه‌وراێ سعوديه‌ ئه‌كا.

تره‌مپ ئه‌را رووژنامه‌نويسه‌يل له‌ ماڵ چه‌رمگ وت: بژارده‌يل فريه‌يگ ديرێم، وه‌لێ تائيسه‌ ته‌ماشاى ئه‌و بژارده‌يله‌ نه‌كردمه‌، ئيمه‌ ئه‌خوازيم وه‌ شيوه‌يگ وه‌ختى بزانيم كى ئه‌و كاره‌ ئه‌نجامدا و وه‌رده‌واميم له‌ په‌يوه‌ندى وه‌ل سعوديه‌ و ده‌وڵه‌ته‌يل تر له‌ ناوچه‌گه‌و گشتمان وه‌يه‌كه‌و باس له‌لێ ئه‌كه‌يم و نوڕيم بزانيم چه‌ روێ ئه‌ياد.

تره‌مپ وت: باوه‌ڕم ئه‌وه‌سه‌ سعوديه‌ ئه‌ركى ئه‌وه‌سه‌ هوير له‌ وه‌رگرى بكا وه‌ شيوه‌يگ جددێ، چوينكه‌ له‌ حاڵه‌تيگ ئه‌گه‌ر ئيمه‌ ده‌سميه‌تيان بيه‌يم، ئه‌وه‌ هه‌وه‌جه‌ وه‌ به‌شدارى فريه‌يگ دارايى ديرێد و بايه‌سه‌ سعوديه‌ بيه‌ێده‌ێ و بايه‌سه‌ له‌بان سعوديه‌يش رۆڵ گه‌وراتر نيشان بيه‌ێد له‌ حاڵه‌تيگ ئه‌گه‌ر بڕيار بيه‌ێم هه‌ر چشتيگ بكه‌يم و يه‌يش خه‌رجكردن دارايى ئه‌خوازێد.