تره‌مپ قه‌يه‌غه‌ى وه‌پيداين ڤيزا وه هاووڵاتيه‌يل 6 وڵات تر زياێ كرد
2020-02-01 08:12:31
شه‌فه‌ق نيوز/ ئداره‌ى دۆناڵد تره‌مپ سه‌رۆك ئه‌مريكا، مه‌رجه‌يل تر تازه‌يگ ديارى كرد له‌بان چگن هاووڵاتيه‌يل 6 ده‌وڵه‌ت تر ئه‌را ناو وڵاته‌يل يه‌كگرتگ ئه‌مريكا، ئه‌ويش له چوارچيوه‌ى له‌وه‌گرتن رێ وشوون تونيگ ئه‌را روێ وه‌ڕوێ بوينه‌وه‌ى كووچكردن.
له‌ى باوه‌ته‌و، تشاد وۆڵف وه‌زيرى ئه‌من ناوخوه‌يى ئه‌مريكى، له ديداريگ رووژنامه‌گه‌رى وت: ئى مه‌رجه‌يل تازه ك له 22 شوبات 2020 جێوه‌جى ئه‌كريه‌ن، هاووڵاتيه‌يل هه‌ر يه‌ك له نێجيريا، سودان، ئه‌ريتريا، ته‌نزانيا، قه‌رغيزيا، بۆرما ئه‌گرێده‌و.
وۆڵف هه‌ميش وت: ڤيزاى كووچكردن ئيجاره جياواز ئه‌دێ له ڤيزاى كووچ نه‌كه‌ره‌يل ك جارجاريگ ئه‌را گه‌شتكه‌ره‌يل ده‌رئه‌كريه‌ێد ك كاريگه‌رى له قه‌يه‌غه نه‌يرێد.
