تره‌مپ وشدارى ئه‌ياده ئيران: ئه‌گه‌ر جه‌نگ ئه‌خوازێد ئه‌يه كووتايه‌گه‌يه
شه‌فه‌ق نيوز/ دۆناڵد تره‌مپ سه‌رۆك ئه‌مريكا، باس له‌وه كرد ئه‌گه‌ر ئيران ده‌سكرده جه‌نگ وه‌ل وڵاته‌يل يه‌كگرتگ ئه‌وه ماناى كووتاييهاوردن وه كۆمار ئسلامى و وشدارييش دا له ده‌رئه‌نجامه‌يل هه‌ڕه‌شه‌كردن له وڵاته‌يل يه‌كگرتگ.
تره‌مپ له تويتيگ ك له‌بان ماڵپه‌ڕ تويته‌ر له هساوه فه‌رميه‌گه‌ى خوه‌ى وت: ئه‌گه‌ر ئيران جه‌نگ بخوازێد وه‌ل وڵاته‌يل يه‌كگرتگ ئه‌وه ماناى كووتاييهاوردن وه كۆمار ئسلامى وه فه‌رمى و وتيش: جاريگتر هه‌ڕه‌شه له وڵاته‌يل يه‌كگرتگ نه‌كه‌ن.
جى باسه، په‌يوه‌نديه‌يل ناونى وڵاته‌يل يه‌كگرتگ و ئيران گرژى وه‌رده‌واميگ ديرێد هه‌ر له‌وه‌ختيگه‌و تره‌مپ جڵه‌و ده‌سڵات گرته‌سه ده‌س له وڵات له يه‌ناير ساڵ 2017، ك چه‌نه‌ها جار تومه‌تبار ئيران كردگه وه ئه‌وه‌گ گه‌وراترين پشتگير تيرۆره و ديارترين هيزيگه بشيون سه‌قامگيرى له خوه‌رهه‌ڵات ناوين.
