ته‌قينه‌وه له‌نزيك ته‌ياره‌خانه‌ى ديمه‌شق روێدا وئسرائيل چه‌ن مووشه‌كيگ له جۆلان خسته‌خوار
2019-11-19 07:53:22
شه‌فه‌ق نيوز/ ئه‌فيخاى ئه‌دره‌عى قسه‌كه‌ر وه‌ناو سوپاى ئسرائيلى، ئاشكراى خستنه‌خواره‌وه‌ى 4 مووشه‌ك كرد ك له‌سورياوه وه‌شنريانه وه‌ره‌و ته‌په‌يل جۆلان داگيركرياێ، يه‌يش له‌وه‌ختيگ هووكاره‌يل ره‌سانن سوورى باس له ژنه‌فتن ته‌قينه‌وه‌يليگ كردن له نزيك ته‌ياره‌خانه‌ى ناوده‌وڵه‌تى ديمه‌شق.
ئه‌فيخاى وت: سيستمه‌يل وه‌رگرى ئسرائيلى ئه‌و چوار مووشه‌كه خستنه‌خوار له ناوچه‌ى قنێتره‌ى سوورى له جۆلان و ئاماژه وه‌يه‌يش كرد هويچكام له‌و مووشه‌كه‌يله نه‌ڕه‌سيه‌سه ناو خاكه‌يل ئسرائيلى.
جى باسه، زويتريش سوپاى ئسرائيلى له به‌ياننامه‌يگ وت: زه‌نگه‌يل ئاگاداركردنه‌وه ئه‌را وشدارى له‌و مووشه‌كه‌يله كوتانه ك وه‌شنريانه وه‌ره‌و ته‌په‌يل جۆلان ك ئسرائيل به‌شيگ له‌لى له‌ساڵ 1967 تائيسه داگير كردگه.
