شه‌فه‌ق نيوز/ هيزه‌يليگ له‌ كۆماندۆز توركى ره‌سيه‌ ولايه‌ت هاتاى له‌ باشوور توركيا وه‌ ئامانج دابه‌شكردنيان له‌بان يه‌كينه‌يل سه‌ربازێ ك جيگيرن له‌ نزيك مه‌رزه‌يل وه‌ل سوريا.

له‌ى باوه‌ته‌و، ئه‌ژانس ئه‌نادۆڵ توركى له‌ زووان سه‌رچه‌وه‌يليگ سه‌ربازييه‌و وت: ئه‌و هيزه‌يله‌ ره‌سينه‌سه‌ ناوچه‌ى قيريق خان سه‌ر وه‌ هاتاى ك له‌بنگه‌يل جياجياى وڵاته‌گه‌وه‌ هاتنه‌ ئه‌را ئه‌وه‌گ دابه‌ش بكريه‌ن له‌بان يه‌كينه‌يل سه‌ربازێ جيگيركرياێ له‌ نزيك مه‌رزه‌يل وه‌ل سوريا.

جى باسه‌، يه‌يش له‌وه‌ختيگه‌ زويتر خه‌ڵوسى ئاكار  وه‌زير وه‌رگرى توركيا جه‌خت له‌وه‌ كرد ك ناوه‌ند فه‌رمانده‌يى هاوبه‌ش وه‌ل وڵاته‌يل يه‌كگرتگ ناوچه‌يگ ئارام دامه‌زرنێد له‌ باكوور خوه‌رهه‌ڵات سورياو وه‌گشت توانايگه‌و له‌ى هه‌فته‌ كار له‌لێ ئه‌كاو باس له‌وه‌يش كرد ئه‌نقه‌ره‌ و واشنتۆن وه‌شيوه‌يگ گشتى ريككه‌فتنه‌ له‌باره‌ى بوار ئاسمانى له‌ ناوچه‌گه‌.