شەفەق نیوز/ تووشهاتن وه‌ ڤیڕۆس کۆڕۆنا لە ١٤،١٦ مەلیۆن رەدکرد، و هەژمار مردنەگان وە ڤایڕۆسەگە رەسیە ٥٩٧٢٥٠ مردگ لە ئاست جهان.
لە ئاماریگ ئەرا ئاژانس رۆیتەرز، ژمارەی تووشهاتنەگان وە ڤیڕۆسەگە رەسیە زیاتر لە ١٤،١٦ مەلیۆن کەس لە ئاست جهان، و ژمارەی مردنەگان رەسیە ٥٨٧٢٥٠ مردگ لەوەر ڤایڕۆسەگە.
تووشهاتن و مردنەگان وەی ڤایڕۆس دڕندە لە زیاتر لە ٢١٠ دەوڵەت وناوچە لە جهان تۆمار کریا، لەوەخت یەکەمین تووشهاتگەیل لە شار ووهان، لە ناوڕاس چین لە کانون یەکەم ساڵ ٢٠١٩ .
رێکخراو تەندروسی جهان، دویەکە شەممە، ئەرا دویەم رووژ لەبان یەک، زیایبوین پەیمانەییگ تۆمارکرد، و ژمارەی تووشهاتنەگان وە ڤایڕۆس کۆڕۆنا لە ئاست جهان، رەسیە ٢٥٩٨٤٨ تووشهاتگ لە ماوەی ٢٤ ساعەت گوزەیشتە، و هەمیش مەردنەگان زیایەوبوین ئەرا ٧٣٦٠ مردگ لە گەوراترین زیایبوین رووژانەیگ لە دویای ١٠ ئایار.
راپۆرت رووژانەی رێکخراوەگە دەرخست ک گەوراترین زیایبوینەگان لە ئەمریکا و بەڕازیل و هیند و باشوور ئەفریقیا تۆمار کریا. وگورەی ئاژانسەگە، ئەمریکا لە نوای لیستەگە بوی وە ١٣٩،٢٠٥ مردگ، و ٣،٦٦٦،٢٨٠ تووشهاتگ. وەگورەی ئاژانس فڕانس پریس، لەبان ژمارەیل زانکۆی جۆنز هوبکینز، ئەمریکا دەور ٦٠،٢٠٧ تووشهاتن نوو وەڤایڕۆسەگە تۆمار کردگە لە ماوەی ٢٤ ساعەت گوزەیشتە.
و بەڕازیل لە پلەی دویەم هات، و تۆمارکردن ٧٧،٨٥١ مردگ، و ٢،٠٤٦،٣٢٨ تووشهاتگ، و هیند لە پلەی سێیەم وە تۆمارکردن ٢٦،٢٧٣ مردگ و ١،٠٣٨٧١٦ تووشهاتگ، و رووسیا چوارم هات وە تۆمارکردن ١٢،٢٤٧ مردگ و ٧٦٥،٤٣٧ تووشهاتگ.