تيلرسۆن له‌باره‌ێ بڵاوبوين تازه‌ێ داعش وشدارى دا
شه‌فه‌ق نيوز/ ريكس تيلرسۆن وه‌زير خارجيه‌ى ئه‌مريكى، وشدارى دا له‌باره‌ێ ياخيبوين تازه‌ى ريكخرياگ ترۆريستى داعش و باس له‌وه كرد ك هيمان مه‌ترسى ئى ريكخرياگه وجوود ديرێد.
تيلرسۆن له وته‌يگ له دانيشتن وه‌زيره‌يل له كوه‌يت وت: هاوپه‌يمان ناوده‌وڵه‌تى سه‌ركه‌فت له له‌ناوبردن داعش له 98% له خاكه‌يل ژي ده‌سڵاتى و 95%يش له خاكه‌يل سوريا و عراق له ترۆريسته‌يل ئازاد كردگه.
جى باسه، تيلرسۆن باوه‌ڕێ ئه‌وه‌سه ك كووتايى كرده‌وه‌يل سه‌ربازى دژ چه‌كداره‌يل داعش ماناى كووتايى حه‌تمى ئه‌و ريكخرياگه نيه‌و دوير نيه ئه‌و ريكخرياگ ترۆريستيه له ناوچه‌يل تر بڵاو بدێ و هه‌ر وه‌و خاتريشه داوا له ده‌وڵه‌ته‌يل ئه‌ندام له هاوپه‌يمان ناوده‌وڵه‌تى كرد وه‌رده‌وام بوون له دژايه‌تى داعش له وه‌سه‌ربازكردن مه‌ردم و ته‌مويل و داوايش كرد ناوچه‌يل ئازادكرياێ له عراق ئاوه‌دانه‌و بكريه‌ێد.
