شه‌فه‌ق نيوز/ ته‌قينه‌وه‌يگ له‌ناو ئاهه‌نگيگ ك له‌لايه‌ن ئاريانا جراندى خانمه‌ گورانيچڕ ئه‌مريكى له‌ شار مانشيسته‌ر له‌ باكوور ئنگلته‌را ساز كريا، بويه‌ هووكار كوشيان 19 كه‌س و زه‌خمداركردن فيشتر له‌ 50 كه‌س.

له‌ى باوه‌ته‌و، تيريزاى ماى سه‌رۆك وه‌زيره‌يل وت: ئى روێداگه‌ له‌لايه‌ن ده‌سڵاته‌يله‌و جوور په‌لاماريگ ترۆريستى مامڵه‌ وه‌ليا ئه‌كريه‌ێد و ئه‌گه‌ريش ته‌ئكيد له‌ى كرده‌وه‌ كريا ئه‌وه‌ ماناى ئه‌وه‌سه‌ فيشتر په‌لاماره‌يليگ له‌لايه‌ن تونڕه‌وه‌يله‌و ئه‌نجام ئه‌دريه‌ن.

جى باسه‌، دو وه‌رپرس ئه‌مريكييش باس له‌وه‌ كردن ك نيشانه‌يل سه‌ره‌كى ئاماژه‌ وه‌ ئه‌وه‌ كردنه‌ ك خوه‌يكوشيگ ئه‌و ته‌قينه‌وه‌ ئه‌نجام داگه‌و بويه‌سه‌ هووكار كوشيان و زه‌خمداربوين شماره‌يگ مه‌ردم.