ده‌وڵه‌تيگ عه‌ره‌بى پلانيگ داعش پويچه‌ڵه‌و كرد
شه‌فه‌ق نيوز/ هيزه‌يل ئاسايش لوبنانى، ئاشكراى ئه‌وه كرد ك تويه‌نستگه كرده‌وه‌يگ تيرۆريستى پويوچه‌ڵه‌و بكا ئه‌را وه‌ماانجگرتن كه‌نيسه‌و مزگفتيگ جوور په‌لاماره هاوشيوه‌گه‌ى سريلانكا.
هيزه‌يل ئاسايش لوبنانى له به‌ياننامه‌يگ وت: كابرايگ وه‌ناو(ز . م) ك ساڵ 1999 له‌دايگ بويه‌و وه‌ڕه‌گه‌ز سووريه‌و نيشته‌جى باشوور لوبنانه، چالاكى له‌بان ماڵپه‌ڕه‌يل ككۆمه‌ڵايه‌تى ئه‌نجام ئه‌يه‌د و فكره‌ى تيرۆريستى بڵاو ئه‌كا و مه‌ردم كرده‌سه سه‌ربازى له‌لاى ريكخرياگ داعش و ئيسه‌يش ده‌سگير كرياگه.
به‌ياننامه‌گه وت: له‌وه‌خت په‌يجوورى ئه‌وه ده‌ركه‌فتگه ئه‌و كابراى ده‌سگير كرياگه په‌يوه‌ندى وه كه‌سه‌يليگ ديريد له ده‌يشت لوبنان و باس وه‌ليانا ئه‌را ئه‌وه كردگه بچنه ناو كه‌نيسه‌و مزگفته‌يل و شماره‌ى فريه‌يگ له مه‌ردم بكوشن جوور ئه‌وه‌گ له سريلانكا روێدا.
