رووژنامه‌يگ: جه‌لاده‌گه‌ێ داعش له ڕقه له‌لاى كورده‌يل گيرياگه
2019-08-31 08:22:29
شه‌فه‌ق نيوز/ هووكاره‌يل ره‌سانن به‌لجيكى ئاشكراى ئه‌وه كردن ك هيزه‌يل سورياى ديموكرات (هه‌سه‌ده) ده‌سگير يه‌كيگ له ديارترين چه‌كداره‌يل ريكخرياگ داعش كردنه ك ئه‌ويش هاووڵاتييگ به‌لجيكيه وه‌ناو ئه‌نوه‌ر هه‌دوشى و ناسرياگه وه "جه‌لاده‌گه‌ێ داعش له رقه".
له‌و باوه‌ته‌و, رووژنامه‌ى De Morgen به‌لجيكى وت: هه‌دوشى ك ناسرياگه وه " ئه‌بى سلێمان ئه‌لبه‌لجيكى" ئيسه له زيندانه‌يل هه‌سه‌ده له باكوور سوريا زيندانى كرياگه له پايز گوزه‌يشته‌و له‌وه‌ختيگه‌و حوه‌ى و هاوسه‌ره‌گه‌ى ك ناوى جولى مايس و ته‌مه‌نى 23 ساڵانه كه‌فتنه‌سه ده‌س جه‌نگاوه‌ره‌يل هه‌سه‌ده له‌وه‌خت په‌لامارداين شار باغوز.
جى باسه، رووژنامه‌گه يه‌يش ده‌رخست ك هادوشى ته‌مه‌ن 35 ساڵان تومه‌تباره وه ئه‌نجامداين زياتر له 100 كرده‌وه‌ى له‌سێداره‌داين له ڕقه.
