رووژنامه‌يگ سعودى شيوازه‌يل "گرنگترين پرووژه‌ى سياسى" له ناوچه‌گه ده‌رخست
شه‌فه‌ق نيوز/ عه‌بدولڕه‌حمان ئه‌اڕاشد رووژنامه‌نويس ديار سعودى باس له شيوازه‌يليگ ناسرياى وه ريككه‌فتن سه‌ده‌و كۆنگره‌ى تايبه‌ت مه‌نامه كرد له‌و باوه‌ته‌و.
ئه‌لڕاشد له باوه‌تيگى ك له‌رووژنامه‌ى شه‌رقولئه‌وسه‌ت بڵاو كرياگه وت: به‌حره‌ين ئاماده‌س ئه‌را گرنگترين پرووژه‌ى سياسى له ناوچه‌گه ك سه‌ره‌تاى هه‌ميشه سه‌خته‌و ناڕه‌زايه‌تى و خوه‌ينيشانداينه‌يل موفاجئه نيه‌و په‌لامارداين پرووژه‌گه‌يش پيشبينى ئه‌كريه‌ێد ك هيمان وه شيوه‌يگ فه‌رمييش له‌بانى ئعلان نه‌كرياگه و حكومه‌ته‌يليش هێڵه‌يل يه‌كه‌مى زانن.
باس له‌وه‌يش كرد و وت: شايه‌ت ريككه‌فتن سه‌ده گه‌وراترين ده‌رفه‌ت بدێ ئه‌را فلستينيه‌يل تا له‌تى ده‌وڵه‌ت خوه‌يان دامه‌زرانن، يا شايه‌ت كيشه‌ى فه‌له‌ستين له‌تى ده‌فن بكريه‌ێد و هه‌ر وه‌و خاتريشه بايه‌سه چه‌وه‌رێ بكه‌يم تا شيوازه‌يلى بوينيم، يه‌يش له‌وه‌ختيگ هه‌فته‌ى گوزه‌يشت بڕيگ له پرووژه‌ى ئابوورى خرياڕوێ وه‌ل فكره‌يل خاسيگ، وه‌لێ ته‌نيا ئعلان باجه‌گه‌ى كه‌مه‌و خواست چه‌سه وه‌رانوه‌ر په‌نجا مليار دۆلار؟ له‌وه‌ختيگ ئيمه ك زانيم هويچ چشتيك وه په‌تى نيه.
ئه‌ڵراشد يه‌يش ده‌رخست و وت: گشت هه‌ڵويسته‌يليگ لايه‌نگر يا دژ مه‌رج نيه راس بدێ و خواستيش نيه خوه‌شه‌ويستييگ له ملله‌ت فله‌ستينى يا لايه‌نگرييگ ئه‌را مافه ره‌واگى، چوينكه هه‌ڵويسته‌يل له پرووژه‌يل ئاشتى ديارن له‌گشت ده‌وڵه‌ته‌يل و دوياخريش ئه‌گه‌ر پرووژه‌گه هه‌ق وه فلستينيه‌يل بيه‌ێد ئه‌وه گشت جه‌هان پشتگيرى له‌لى ئه‌كاو ئه‌گه‌ريش ته‌نيا پرووژه‌يگ بدێ ئه‌را شه‌رعيه‌تداين وه ئسرائيل ئه‌وه دوير له مه‌نامه خوه‌ى ده‌رناخا.
