زه‌ريف چشته‌يليگ ئاشكرا نه‌كرياێ له‌باره‌ى قاسم سلێمانى ده‌رخست
شه‌فه‌ق نيوز/ محه‌مه‌د جه‌واز زه‌ريف وه‌زير خارجيه‌ى ئيران، وت: فه‌ريق قاسم سلێمانى، تويه‌نست راسيه‌يل وڵاته‌يل يه‌كگرتگ وه‌رانوه‌ر ملله‌ته‌يل ناوچه‌گه ئاشكرا بكا.
زه‌ريف له گفتگوويگ وه‌ل كه‌ناڵ مه‌يادين، وت: قاسم سلێمانى كه‌سيگ ئازا و ئاسايى بوێ و كه‌سيگ زرنگ و زيره‌ك بوێ و پابه‌ند بوى وه مقه‌يه‌تيكردن له ره‌فيقه‌يلى، باس له‌وه‌يش كرد كه‌م كه‌س بويه وه‌و توانا له ساده‌يى وه‌ل توانايى فريه‌يگ ك داشته‌سه‌ى.
زه‌ريف وت: سلێمانى مقه‌يه‌تى فريه‌يگ كردياد له مه‌ده‌نيه‌يل و فريه‌جاريش پلانه‌يل سه‌ربازيى وسانگه له‌وه‌ر مقه‌يه‌تيكردن له گيان هاووڵاتيه‌يل مه‌ده‌نى و له ماوه‌ى قۆناغه‌يليگ له له روێداگه‌يل له ئه‌فغانستان و له‌عراق په‌نا وه سلێمانى بردياد، چوينكه وه‌قسه‌ى زه‌ريف ئه‌و ئۆرپا و ئه‌مريكا خاس ناسياد و باس له‌وه‌يش نه‌كرد گه‌شت ئه‌و شوونه‌يله كردگه.
زه‌ريف هه‌ميش وت: ئه‌گه‌ر سلێمانى نه‌وياتاد حكومه‌ت ئه‌فغانى ويران بوياد له‌ساڵ 2001، له قه‌يران ئه‌فغانى جوور باڵ دبلۆماسى و تواناى مه‌يدانى بويه له‌وه‌ر خاتر دروسكردن ئاشتى.
