زه‌ويه‌له‌رزه‌يگ له توركيا - يۆنان ده‌يان كه‌س كوشت و زه‌خمدار كرد
2017-07-21 09:30:00
شه‌فه‌ق نيوز/ وه‌لاى كه‌مه‌و 2 كه‌س كوشيان و فيشتر له 100 كه‌سيش زه‌خمدار بوين له ئاكام روێداين زه‌ويه‌له‌رزه‌يگ له ده‌رياێ ئێجه له نزيك ئاوه‌يل توركى و دويرگه‌ێ كۆس يۆنانى وه هيز 6.7 پله‌ێ ريخته‌ر.
ده‌زگاێ ئامار جيلۆجى ئه‌مريكى وت: ئه‌و زه‌ويه‌له‌رزه وه دويرێ 10.3 كيلۆ مه‌تر له هه‌وارگه‌ێ بودروم له باشوور خوه‌رئاواێ توركياو وه دويرى 16.2 كيلۆ مه‌تر له دويرگه‌ێ كۆس يۆنانى بويه‌و له قويلايى ده‌يان كيلۆمه‌تر بويه.
جى باسه، وه گووره‌ێ سه‌رچه‌وه‌يل ناوچه‌يى يۆنانييش، دو كه‌س له‌ئاكام ئه‌و زه‌ويه‌له‌رزه بوينه‌سه قوربانى و ده‌يان كه‌سيش زه‌خمدار بوينه.
