سعوديه وشدارى عراق له ئيران داو ئاماژه ده‌ركه‌فتن تيرۆر تازه‌يش كرد
2018-02-14 19:54:00
شه‌فه‌ق نيوز/ عادل جبه‌ير وه‌زير خارجيه‌ى سعودى، ده‌خاڵه‌ته‌يل ئيرانى له عراق وه ئه‌وه تاريف كرد ك مه‌ترسييگه ئه‌را بان عراق و يه‌كێتى و سه‌قامگيرى و ئاسايشيه‌گه‌ێ.
جبه‌ير له چوارچيوه‌ێ كۆنگره‌ێ ناوده‌وڵه‌تى ئاوه‌دانكردنه‌وه‌ێ عراق له كوه‌يت، وت: وجوود ئيرانى له عراق ويرانكاريه نه‌ك بنياتناين و ئوميد يه‌يش كرد ك عراق وه هاوكارى وه‌ل ده‌وڵه‌ته‌يل هاوسا بتويه‌نێد ئاينده‌يگ خاستر ئه‌را ملله‌ته‌گه‌ێ بنيات بنه‌ێد.
جى باسه، جبه‌ير وشدارييش دا له‌باره‌ێ مه‌ترسێ ده‌ركه‌فتن ريكخرياگه‌يل تازه‌ێ ترۆريستى له مناڵدان داعش، دوياى ئه‌وه‌گ له‌ناوبريا له عراق و فيشتره‌و بوێ له سوريا.
