شه‌فه‌ق نيوز/ ليندسى گراهام سيناۆر كۆمارى, وت: بڕيار دۆناڵد ترامپ سه‌رۆك ئه‌مريكا له‌باره‌ى كيشاننه‌وه‌ى هيزه‌يل له‌سوريا بويه‌ حه‌ماسه‌تيگ ئه‌را ريكخرياگ داعش و بويه‌ هووكار په‌لاماره‌گه‌ێ مه‌نبج ك له‌تى چوار ئه‌مريكى بوينه‌ قوربانى.

گراهام وت: ئه‌و په‌لاماره‌ له‌ ئاشخانه‌يگ بويه‌و وه‌باوه‌ڕم ئه‌و ئاشخانه‌ بويه‌ ك سه‌ردانى كردم و كورد و عه‌ره‌ب و مه‌ردمان تر له‌تى له‌ مه‌نبج سوريا دائه‌نيشن، وه‌لێ جێ داخه‌ له‌ورا راوێژكاره‌يليگ ئه‌مريكى وه‌ ده‌س داعش كوشيان و نگه‌رانى من ئه‌وه‌سه‌ بڕێاره‌گه‌ى ترامپ بويه‌ حه‌ماسه‌ت ئه‌را دوشمنيگ ك جه‌نگ وه‌ليا ئه‌كه‌يم.

گراهام هه‌ميش وت: گشت ئه‌مريكييگ ئه‌خوازێد هيزه‌يل بانه‌و ئه‌را وڵات، وه‌لێ باوه‌ڕ گشتمان ئه‌وه‌سه‌ ئه‌و هيزه‌يله‌ بانه‌وه‌و دڵنيا بويمن له‌وه‌گ هايمنه‌ ئه‌مان.