شه‌فه‌ق نيوز/ زيندانيه‌يليگ سه‌ر وه‌ ريكخرياگ ترۆريستى داعش، له‌ى دوياخره‌ له‌ زيندانه‌يل سه‌ر وه‌ هيزه‌يل ديموكراتى سورى ك له‌لايه‌ن وڵاته‌يل يه‌كگرتگه‌و پشتگيرى له‌ليان ئه‌كريه‌ێد واينه‌.

له‌ى باوه‌ته‌و، وه‌رپرسيگ ئه‌مريكى ك راسه‌وخۆ ئاگاداره‌ له‌ى كيشه‌، ئى روێداگه‌ وه‌ ئه‌وه‌ تاريف كرد ك هه‌زاران كه‌س سه‌ر وه‌ داعش ده‌سوه‌سه‌ر كريانه‌ له‌ناو دامه‌زرياگه‌يل سه‌ر وه‌ هيزه‌يل ديموكرات سورى ك زوورميان سوريين وه‌ل نزيكه‌ى 500 كه‌س بيگانه‌ ك ئه‌وانيش سه‌ر وه‌ نزيكه‌ى 40 ده‌وڵه‌تن.

وه‌رپرسه‌ ئه‌مريكيه‌گه‌ يه‌يش ده‌رخست ك شماره‌يگ له‌و داعشيه‌يله‌ له‌و زيندانه‌يل سه‌ر وه‌ هيزه‌يل ديموكرات سوريه‌ واينه‌و يه‌يش مه‌ترسى ئاسايشى دروس كردگه‌.