فره‌نسا قاپى په‌نابه‌رى ئه‌را مه‌سيحيه‌يل وازكرد
2016-12-22 08:34:00
شه‌فه‌ق نيوز/ برنار كازه‌نۆف سه‌رۆك وه‌زيره‌يل فره‌نسى باسكرد و وت: شه‌ره‌فه ئه‌را فره‌نسا ماف په‌نابه‌رى بيه‌ێده مه‌سيحيه‌يل خوه‌رهه‌ڵات و گشت سته‌مديده‌يل ك ئى مافه وه‌پيان شايسته‌س.
كازه‌نۆف له ڕى و ڕه‌سميگ له باره‌گاى سه‌رۆكايه‌تى وه‌زيره‌يل له‌وه‌ر قه‌درناين له مه‌سيحيه‌يل و باسكردنى وه‌ل مناڵيگ سوورى ك باوگى له‌لايه‌ن ريكخرياگ ترۆريستى داعشه‌و كوشياوێد وت: ئى وڵاته وڵات خوه‌ده‌و ئى حكومه‌تيشه گشت توانايگى ئه‌خاده كار وه‌خاتر مقه‌يه‌تيكردندان.
جى باسه، سه‌رۆك وه‌زيره‌يل فره‌نسى هه‌ميش وت: هويچ ئاشتييگ دادگه‌رانه له‌و ناوچه‌يله ئه‌نجام ناگرێد ئه‌گه‌ر مه‌سيحيه‌يل خوه‌رهه‌ڵات زه‌مانه‌ت كووتايى وه‌رنه‌گرن له‌باره‌ى مافه‌يليان.
