شه‌فه‌ق نيوز/ ئاژانس هه‌واڵه‌يل قه‌ته‌رى "قنا" لێدوانه‌يليگ له‌ تميم بن حه‌مه‌د ئال دويم مير ده‌وڵه‌ت بڵاو كرد و وت: ماڵپه‌ڕه‌گه‌ێ تويش هه‌كر هاتگه‌ له‌لايه‌ن لايه‌نيگه‌و ناديار.

قنا زويتر جه‌خت له‌وه‌ كرد ك هساوه‌گه‌ێ له‌بان ماڵپه‌ڕ توێته‌ريش تويش ئختراق هاتگه‌و له‌ى باوه‌تيشه‌و سه‌يف بن ئه‌حمه‌د ئال دويه‌م وه‌ڕيه‌وبه‌ر نويسينگه‌ێ په‌يوه‌ندێ حكومى وت: ماڵپه‌ڕ ئاژانسه‌گه‌ ئختراق كرياگه‌ له‌لايه‌ن لايه‌نيگ نادياره‌و.

جى باسه‌، له‌و لێدوانه‌يليشه‌ ك نريا زووان مير ده‌وڵه‌ت قه‌ته‌ر و له‌بان ماڵپه‌ڕ قنا بڵاو كريا، ئه‌وه‌ ده‌ركه‌فت ك گوايا قه‌ته‌ر مكوڕه‌ له‌بان هاوكارى وه‌خاتر سه‌قامگيرى ده‌وڵه‌ته‌يل هاوسا و مير ده‌وڵه‌تيش جه‌خت له‌وه‌ كردگه‌ ك وڵاته‌گه‌ێ سه‌ركه‌فتگه‌ له‌ دروسكردن په‌يوه‌نديه‌يل بته‌و وه‌ل وڵاته‌يل يه‌كگرتگ و ئيران، ك يه‌يش قه‌ته‌ر خسته‌ێ دروو.