ناتۆ مانۆڕيگ ئه‌را ماوه‌ێ دو رووژ ئه‌نجامدا
2017-10-17 17:56:00
شه‌فه‌ق نيوز/ ئه‌را ماوه‌ى دو رووژ وه به‌شدارى هه‌يشت وڵات ئه‌ندام په‌يمان باكوور ئه‌تڵه‌سى"ناتۆ"، مانۆريگ مووشه‌كى بان كه‌شتيه‌يل ده‌ريايى له دويرگه‌يل خوه‌رئاواى سكۆتله‌ندا ئه‌نجام دريا.
له‌ى باوه‌ته‌و، سه‌رچه‌وه‌يل خوه‌رئاوايى باس له‌وه كردن ك هه‌ر يه‌ك له وڵاته‌يل ئه‌مريكا و بريتانيا و فره‌نسا و ئه‌ڵمانيا و كه‌نه‌دا و هۆڵه‌ندا و ئسپانيا و ئيتاڵيا له‌و مانۆڕه به‌شدارى كردنه.
جى باسه، هه‌مان سه‌رچه‌وه‌يل ناوبرياێ يه‌يش ده‌رخستن ك ئامانج له‌و مانۆڕه نيشانداين وه‌رپرسيارێتى ئه‌مريكا بويه وه‌رانوه‌ر وه‌رگريكردن له په‌يمان ناتۆ و هاوپه‌يمانه‌يلێ له خوه‌رئاوا.
