شەفەق نیوز/ ناوەند گەردوون ناودەوڵەتی راگەیان ک بڕیگ لە دوڵەتە ئیسلامیه‌گان دویکە جومعە،هەڵە کردنە لە دیەن مانگ شەوال.
ناوەند گەردوونیەگە لە تویتیگ لەبان لاپەڕەی خوەی وت؛ شایەت دویەکە جومعە، هەڵە لە دیەن مانەگە بویە، لە بەشیگ دەوڵەته‌یل ئسلامی، ئەوەگ ئمڕو شەممە وە یەکەم روژ جەژن رەمەزان راگەیان.
ناوەند گەردوونیەگە دیاری کرد ک بڕیگ دەوڵەت جوور مۆریتانیا، سۆمال، سەنیگال، و مالی لەڕاسیەو هەسارەی میرکوری دینە وە مانگ شەوال دانانەی. وتیش؛ هەسارەیل ڤینۆس و میرکوری وەشیوەیگ نزیک لە ئاسۆی خوەرئاوا بوین ، جوور ئەوە ک لە وێنەگە دیارە. وشایەت ئەیە بویە هۆکارەگەی.