نرخ نه‌فت ماوه‌ى 17 ساڵه ئه‌را يه‌كه‌مجار داوه‌زيه نزمترين ئاست
2020-03-30 09:26:29
شه‌فه‌ق نيوز/ ئمڕوو نرخ نه‌فت له بازاڕه‌يل ئاسيايى له ئه‌نجام ويرانبوين بازاڕه‌يل تر دارايى و په‌ره‌سه‌ندن قه‌يران ڤايرۆس كۆرۆنا روێ له نزمى فريه‌يگ كرد.
نرخ نه‌فت خام خوه‌رئاواى تكساس له وڵاته‌يل يه‌كگرتگ وه ريژه‌ى 5،3% داوه‌زى و نرخ هه‌ر به‌رميليگى ره‌سيه 20 دۆلار، يه‌يش له‌وه‌ختيگ نرخ نه‌فت برينت ده‌رياى باكوور وه ريژه‌ى 6،5% داوه‌زى و هه‌ر به‌رميليگى ره‌سيه 23 دۆلار ئه‌را يه‌كه‌م جاره له‌ساڵ 2003 تائيسه.
جى باسه، ويرانبوين و داوه‌زين نرخ نه‌فت له ئه‌نجام بڵاوبوينه‌وه‌ى ڤايرۆس كۆرۆنا(كۆفيد 19 )، ك هه‌زاران كه‌س كوشتگه و زورميان له ئيتاڵيا و ئسپانيا بوينه وه‌ل زيايبوين شماره‌ى تويشهاتن له وڵاته‌يل يه‌كگرتگ.
