شه‌فه‌ق نيوز/ نرخه‌يل نه‌فت وه‌ ريژه‌ێ يه‌ك له‌ سه‌د داوه‌زێ، وه‌ل زيايبوين به‌رهه‌م ليبى و ئه‌مريكى.

نرخ نه‌فت خام برنت له‌ ريككه‌فتنه‌يل ئاجل نزيكه‌ى 54 سه‌نت داوه‌زێ ك ئه‌كاده‌ يه‌ك له‌سه‌د و هه‌ر به‌رميليگ ره‌سيه‌ 51،30 دۆلار و نه‌فت خام خوه‌رئاواى سكساسيش له‌ ريككه‌فتنه‌يل ئاجل 51 سه‌نت داوه‌زێ و هه‌ر به‌رميليگى ره‌سيه‌ 49،15 دۆلار.

جى باسه‌، مامڵه‌كه‌ره‌يل باس له‌وه‌ كردن ك داوه‌زێن نرخ نه‌فت وه‌ بوونه‌ى به‌رزه‌وبوين به‌رهه‌م نه‌ف ليبى و ئه‌مريكى بويه‌ و پيشبينى يه‌يش ئه‌كريه‌ێد به‌رهه‌م ليبى له‌ نه‌فت خام بڕه‌سێده‌ 800 هه‌زار به‌رميل رووژانه‌ له‌ى هه‌فته‌.