شەفەق نیوز/ ئەمیرە موختار، دویەت هونەرمەن میسری رەجا جەداوی، لە ماڵپەڕ خوەی لە فەیسبووک وت؛ ک داڵگی دویای تویشهاتنی وە بیماری کۆفید-، ١٩چیە ناو چەودێری ورد.
دویەتەگەی جەداوی نووساس؛ داڵگم هالە چەودێری ورد، بەڵکم شوکر وەخودا لەهووش نەچگە. خودا بیلێدەی ونزای خاسەوبین ئەرای بکەن.
سەعید سەقعان، وەڕیەوبەر باوەتە تەندروسیەگان لە پارێزگای ئیسماعیلیە، ک لەورا رەجا جەداوی هالە چارەسەری لە یەکیگ لە خەسەخانەیل کەرەنتین، لە قسەیگ تەلەفیزیۆنی وت؛ رەجا ته‌ندروسی خراو بی و ئامێر هەناسەگە ئەرای نریا، ودووپات کرد ک رەوش تەندروسی هونەرمەنەگە ئارامە.
میدیاگان تۆمار دەنگ ئەکتەر رەجا جەداوی لە ژوورەگەی خوەی لە خەسەخانەی کەرەنتینەگە بڵاو کردن، وەدەنگیگ ك شەکەتی وهیلاکی وەپیەو دیارە ، ک جەداوی هوشداری دا لە مەترسی نەخوەشیەگەی ڤایڕۆس کۆڕۆنا، وداوا لەمەردم کرد هوشیار بوون.
وتیش؛ دیرم خاسەو بووم وەلی نێەزانم کەی لەخەسەخانە دەرچم، وخەریکە وەیەواشی خاسەوبووم.