واشنتۆن داواى پابه‌ندبوين وه ريككه‌فتن و جه‌خت له خوه‌يكيشانه‌وه له سوريا ئه‌كا
2019-10-19 09:35:37
شه‌فه‌ق نيوز/ ئداره‌ى ئه‌مريكا ئوميد ئه‌وه كرد توركه‌يل و كورد پابه‌ند بوون وه ريككه‌فتن ئاگربه‌س له سوريا، له هه‌مان وه‌خت جه‌ختيش له وه‌رده‌وامى خوه‌يكيشانه‌وه‌ى هيزه‌يل ئه‌مريكى كرد له باكوور سوريا.
يه‌يش له‌وه‌ختيگه دۆناڵد تره‌مپ سه‌رۆك ئه‌مريكا، باس له بارودوخ ناسه‌قامگير كرد له سوريا و جه‌خت له وجوود خواستيگ كرده‌يى له توركه‌يل و كورده‌يل كرد ئه‌را سه‌رخستن ئاگربه‌س له سوريا.
جى باسه، دۆناڵد تره‌مپ ئاماژه وه‌يه‌يش كرد ك ره‌جه‌ب ته‌يب ئه‌ردۆغان سه‌رۆك توركيا له وه‌خت ئه‌نجامداين په‌يوه‌ندييگ ته‌له‌فۆنى خواست وڵاته‌گه‌ێ ده‌رخستگه ئه‌را جيوه‌جيكردن ئاگربه‌س له سوريا.
