شه‌فه‌ق نيوز/ وه‌زاره‌ت وه‌رگرى ئه‌مريكا(پنتاگۆن)، ئاشكراى ئه‌وه‌ كرد هه‌وڵ ئه‌ياد مقه‌يه‌تى له‌ په‌يوه‌نديه‌يل وڵاته‌گه‌ى وه‌ل توركيا بكا، ئه‌ويش له‌ ته‌عليقيگ له‌باره‌ى هه‌ڕه‌شه‌يل توركيا سه‌باره‌ت وه‌ به‌سانن هه‌ردوگ بنگه‌ى"ئه‌نجه‌رليك" و"كۆرجيك" له‌وه‌رده‌م هيزه‌يل ئه‌مريكى.

بنتاگۆن وت: وجوود سه‌ربازى ئه‌مريكى له‌و هه‌ردوگ بنگه‌ وه‌ ره‌زامه‌نى حكومه‌ت توركيا بويه و ئيمه‌يش جوور ره‌مزيگ له‌بان پابه‌ندبوين فريه‌مان وه‌ هاوكارى و مقه‌يه‌تيكردن له‌ هاوپه‌يمانمان له‌ ناتۆ و هاوبه‌شيگ ستراتيجى ك مه‌رام له‌لى توركياش نوڕيمنه‌ وجوود هيزه‌يلمان له‌و وڵاته‌.

وه‌ل ئه‌وه‌يشا مارك ئه‌سپه‌ر وه‌زير وه‌رگرى ئه‌مريكا باس له‌وه‌ كرد ك وه‌ل ره‌جه‌ب ته‌يب ئه‌ردۆغان سه‌رۆك توركيا له‌و مه‌سه‌له‌ باس ئه‌كا تا مقه‌يه‌ت بدێ له‌ لێدوانه‌يلێ ك په‌يوه‌سن وه‌ به‌سانن بنگه‌ى ئه‌نجه‌رليك.