پزيشكه‌يل نيويۆرك: چمانى كووتايى جه‌هانه
2020-03-27 08:17:28
شه‌فه‌ق نيوز/ پزيشكه‌يل له شار نيويۆرك باس له بڵاوبوينه‌وه‌ى په‌تاى ڤايرۆس كۆرۆناى تازه كردنه وه كووتايى جه‌هان ته‌شبيهى كردن، ك مه‌ردم ئه‌مرن و چه‌وه‌ڕێ چاره‌سه‌رن، جوور ئه‌وه‌گ ماڵپه‌ڕ "بزنس ئينسايدر"باس له‌لى كرد.
له‌ى باوه‌ته‌و، رووژنامه‌ى نيويۆرك تايمز ئاماژه وه ئه‌وه كردن نه‌خوه‌شخانه‌ى گشتى له شاره‌گه، نه‌خوه‌شخانه‌ى ئيلمێرست له كوينز، ك 545 قه‌ره‌وێڵه گرته‌سه خوه‌ى، پڕ بويه له نه‌خوه‌شه‌يل تويشهاتگ وه ڤايرۆس كۆرۆنا.
رووژنامه‌گه وت: پزيشكه‌يل له‌وه‌ر خاتر چاره‌سه‌ركردن نه‌خوه‌شه‌يل هه‌وڵ بى وچان ئه‌يه‌ن وه چه‌ن شماره‌يگ دياريكرياێ له ده‌زگايه‌يل هه‌ناسه‌دان و هه‌وه‌جه‌يل خواست له‌وه‌ر مقه‌يه‌تيكردن له‌و نه‌خوه‌شه‌يله ك هيمان هانه ژيان.
