پنتاگۆن ئاشكراى كوشيان "ئه‌لحه‌كيم" يه‌كيگ له گه‌ورا سه‌ركرده‌يل داعش كرد
2016-12-11 08:24:00
شه‌فه‌ق نيوز/ وزاره‌ت وه‌رگرى ئه‌مريكى ئاشكراى ئه‌وه كرد ك له‌ئامام په‌لاماريگ ئاسمانى هيزه‌يل هاوپه‌يمان ئه‌را بان ڕقه له سوريا له 26 نۆڤه‌مبه‌ر بو به‌كر ئه‌لحه‌كيم يه‌كيگ له گه‌ورا سه‌ركرده‌يل ريكخرياگ ترۆريستى داعش كوشياگه.
له‌ى باوه‌ته‌و، قسه‌كه‌ر وه‌ناو وزاره‌ته‌گه ئه‌را ئاژانس فرانس پرس باس له‌وه كرد ك ئه‌لحه‌كيم ته‌مه‌ن 33 ساڵان كابرياگ فره‌نسيه وه‌ڕه‌گه‌ز تونسى و ئه‌را ماوه‌ى فريه‌يگه سه‌ركرده‌س له ريكخرياگ داعش.
جى باسه، زويتريش ئۆپۆزسيۆنه‌يل سوورى له‌بان ماڵپه‌ڕ كومه‌ڵايه‌تى تويته‌ر ئاشكراى كوشيان ئه‌لحه‌كيم كردن له 2 ديسه‌مبه‌ر، وه‌لێ هه‌واڵه‌گه وه فه‌رمى ته‌ئكيد نه‌كريا.
