چەودێری ئەمریکی روسی ئەرا چالاکییگ ئیران لە دەریای قەزوین
شەفەق نیوز/ ماڵپەڕ ( مۆدڕین دوبلۆماسی) ئەمریکی ئاشکرا کرد؛ ک چالاکییگ ئیرانی لە دەریای قەزوین هاووەخت بوی وەگەرد وڵاوەبوینیگ تورکی لە خوەرهەڵات ناوڕاس، ک بویە سەرنج دەوڵەتەیل هاوبه‌ش لە دەریای قەزوین، وهەرێمیەگان چواردەور وه‌ره‌و خوه‌ی راكیشا و خاوه‌ن بڕیاره‌یل سیاسی روسی و ناوچەی كه‌نداو هەمیش چەودێری ئەو جوولەی ئیرانیە لە نزیەکەو کەن.
ماڵپەڕە ئەمریکیەگە باوەتیگ ئەرا گفتوگۆ بڵاوکرد، لە پەیمانگەی واشینتون له نویسین جیمس دورسیک توێژینەوەکار خوەرهەڵات خوارین، لەباوەت جوولە دویاینەگان ئیران لە ناوچەی دریای قەزوین، لە ری دروسکردن پەیوەندیەیل دەریایی وەل دەوڵەتەیل ناوچەی ئاسیای ناوڕاس.
دروسی وت؛ هەرچەن هێز دەریایی ئیران وەئەخت روسیەگە نیە، بەڵکم بوینی لە دەریای قەزوین کاڵە، وەلی هەڵوێست و وتار دواینەگان ئیران، وەگەرد سەردان سەرکردەیل پایه‌بەرز لە دامەزراوە دەریاییەگان، و گوڵەم دروسکردن كەشتی لە کناراو دەریای قەزوین، ک كەشتی جەنگییگ لەورا هاژیر خاسکردن و نوەو کردن، بیجگە رەنجەیل دوبلۆماسی ئەرا پاڵپشتی پەیوەندیەگان وەل دەوڵەتەیل هاو کناراوی سۆڤێتی وەرین، گشتی بویە هووکارەیلیگ لە بیزارکردن مۆسکۆ و ئەبوزەبی وریاز.
وئاماژەدا ئەرا رەزامەنی ئیران لە وەبەرهەمکردنیگ بایی ٤ ملیار دۆلار ئەمریکی، ئەرا تەواوکردن ژیرزەمینەیگ وەدریژی پەنج کێلومەتر، تا دووشنبە پایتەخت تاجیک و خجەند بوەسێدەو ک گەوراترین شارەیل وڵاتەگەس.
دورسی هەمیش وت؛ شایەت گەوراترین به‌ڵگه‌ی قانجاز ئیران ئەوەبوود ک دەریای قەزوین وەل دەریای عەره‌ب بوەسێد، ک دەوڵەتەیل كه‌نداو توانای نەێرن، ئەویش توانای رەسین ئەرا ناوچەی زەریای ئارام هیندی وە خەرج ئەرزانیگ، و لە دویرییگ کەمتر.
