شەفەق نیوز/ حەسەن روحانی سەرۆک كۆمار ئیران، ئمڕوو شەممە، راگەیان ک ٢٥ مەلیۆن ئیرانی تووش ڤایرۆس کۆڕۆنا هاتنە، وئاماژەدا ک ٣٥ مەلیۆن تر هانە وەر مەترسی تووشهاتن.
روحانی لە وتاریگ لە تەلەفزیۆن فەرمی وت: وە مەزەنەمان تا ئیسە ٢٥ مەلیۆن ئیرانی تووش ئی ڤایرۆسە هاتنە، و دەور ١٤ هەزار كه‌س گیان گرانیان لەدەس دانە.
وتیش؛ ئەگەریگ هەس دەور ٣٠ و ٣٥ مەلیۆن تر لەوەر مەترسی بوون.
هەمیش وت: وە گشتی، زیاتر لە ٢٠٠ هەزار لە خەسەخانەگان چارەسەرکریانە. ئەو ژمارەیلە ک روحانی باسی کرد لە بنەمای راپۆرتیگ نوو ئەرا وەزارەت تەندروسی بوی، و خوەی فرە بەرزترە لە ژمارەی تووشاهتنە فەرمیەگە ک رەسیەسە ٢٦٩،٤٤٠ تووشهاتن.