19 كانديد ليست گرده‌بوين ئيلاميه‌يل له ته‌هران له هه‌ڵوژاردنه‌يل ناوچه‌يى سه‌ركه‌فتن
2019-07-27 19:51:20
شه‌فه‌ق نيوز/ 19 كانديد له‌ناونيان چوار ژن له گرده‌وبوين كورده‌يل فه‌يلى تويه‌نستن سه‌ربكه‌فن له هه‌ڵوژاردنه‌يل ئه‌نجومه‌ن شاره‌وانيه‌يل ناوچه‌يى له ته‌هران پايته‌خت ئيران.
له‌و باوه‌ته‌و، ئه‌ندازيار مسته‌فا بيگى - رودوس فه‌يلى ك يه‌كيگه له دامه‌زرنه‌يل گرده‌وبوين كورده‌يل فه‌يلى ئه‌را شه‌فه‌ق نيوز وت: گرده‌وبوين ئيلاميه‌يل له ته‌هران سه‌ركه‌فتن گه‌ورايگ وه‌ده‌سهاوردگه دوياى ئه‌وه‌گ 19 كانديدى تويه‌نستنه سه‌ربكه‌فن له هه‌ڵوژاردنه‌يل ناوچه‌يى.
هه‌ميش وت: ئه‌و سه‌ركه‌فتنه دوياى ئاماده‌بوين وه‌هيز و ديارييگ كانديده‌يل هاتگه له‌گشت بواره‌يل كۆمه‌لايه‌تى و رووشنهويرى و سياسى، ك له‌بڕيگ له ناوچه‌يل زوورم ده‌نگه‌يل وه‌ده‌س هاوردنه‌و له پله‌ى يه‌كه‌م بوينه له ئه‌نجومه‌ن شاره‌وانى ناوچه‌يى.
