ئئتلاف عه‌لاوى: ياساى وه‌خشين گشتى ته‌نيا 1% زيندانيه‌يل ئه‌گريده‌و
2015-07-08 07:56:41
شه‌مه‌رى له به‌ياننامه‌يگ ئه‌را(شه‌فه‌ق نيوز)وت: هيمان شماره‌ى فريه‌يگ له بيتاوانه‌يل هانه زيندانه‌يل ئه‌را ماوه‌ى دوير و دريژيگه وه‌بى دادگاييكردن يا تومه‌تباركردن، ك يه‌يش ناگونجيه‌يد وه‌ل هويچ شه‌ريعه‌تيگ ئاسمانى و ياسايى و ئنسانى.
شه‌مه‌رى هه‌ميش وت: ئامانج بنه‌ڕه‌تى له ياساى وه‌خشين گشتى ئه‌وه‌سه ك شماره‌يگ له تومه‌تباره‌يل ئازاد بكريه‌يد و تيكه‌ڵ وه كومه‌ڵگا بكريه‌ن و ئه‌و كه‌سه‌يليشه ك بيتاوانن هيمان دادگايى نه‌كريانه‌و ئى ياسايشه ته‌نيا 1% له‌ليان ئه‌گريده‌و.
ج . أ
