شه‌فه‌ق نيوز/ ليژنه‌ى ئابوورى و وه‌به‌رهاوردن نوێنه‌رايه‌تى، له‌وه‌رگرتن رێ قه‌رزه‌يل ده‌ره‌كى له‌لايه‌ن حكومه‌ت عراقييه‌و ره‌ته‌و كرد و پيشبينى يه‌يش كرد هه‌وڵ قه‌رزكردنى شكه‌ست ئه‌يه‌رێد.

له‌ى باوه‌ته‌و، عه‌لى لامى ئه‌ندام ليژنه‌گه‌ ئه‌را ئاژانس شه‌فه‌ق نيوز وت: حكومه‌ت له‌ هه‌وڵى ئه‌را قه‌رزكردن ده‌ره‌كى شكه‌ست ئه‌يه‌رێد و له‌ هه‌مان وه‌خت جه‌ختيش له‌وه‌ كرد له‌ناو ئه‌نجومه‌ن نوێنه‌ره‌يل ئه‌و ياسا ره‌ته‌و ئه‌كه‌ن چ له‌ سه‌ندووق نه‌خت ناوده‌وڵه‌تى يا له‌ وڵاته‌يل تر.

لامى هه‌ميش وت: په‌نابردن عراق ئه‌را قه‌رز ده‌ره‌كى ئاشكراكردن ئفلاسبوين عراقه‌ و فايده‌ فريه‌گيش ئه‌خريه‌يده‌ بان قه‌رزه‌يل و داينه‌وه‌ى فريه‌ سه‌خت ئه‌دێ و له‌ هه‌مان وه‌خت داوايش له‌ مسته‌فا كازمى سه‌رۆك وه‌زيره‌يل كرد بگه‌ردێده‌ شوون ده‌روازه‌يل تر ئه‌را پڕكردنه‌وه‌ى كورتهاوردن دارايى له‌ بودجه‌ى گشتى.