ئداره‌ى ته‌ياره‌خانه‌ى نه‌جه‌ف وسانن گه‌شه‌يلى خسته دروو
2019-11-18 17:45:41
شه‌فه‌ق نيوز/ ئداره‌ى ته‌ياره‌خانه‌ى ناوده‌وڵه‌تى نه‌جه‌ف, وسانن گه‌شته‌يل ئاسمانيى له ته‌ياره‌خانه‌و ئه‌را ته‌ياره‌خانه‌گه خسته دروو.
له‌ى باوه‌ته‌و، به‌ش ره‌سانن و په‌يوه‌نديه‌يل گشتى له ته‌ياره‌خانه‌گه له به‌ياننامه‌يگ ئه‌را شه‌فه‌ق نيوز وت: بريگ له لاپه‌ڕه‌يل هه‌واڵيگ له‌بان وسانن گه‌شته‌يل ته‌ياره‌خانه‌ى نه‌جه‌ف بڵاو كردنه‌و ئيمه‌يش له‌لاى خوه‌مانه‌و ئيچنه هه‌واڵه‌يليگ ئه‌خه‌يمنه دروو و دويره له‌ڕاسى.
به‌ياننامه‌گه هه‌ميش وت: جه‌خت له‌وه‌يش ئه‌كه‌يم ك ته‌ياره‌خانه‌ى ناوده‌وڵه‌تى نه‌جه‌ف وه‌رده‌وامه له پيشوازيكردن و وه‌خێرچگن گه‌شتياره‌يل و گه‌شته‌يل هاتن وچگنيش وه‌رده‌وامه ئه‌را گشت وڵاته‌يل جه‌هان.
