ئه‌مريكا ئاماده‌گى نيشاندا ئه‌را بريارداين له‌باره‌ى خوه‌ينيشانده‌ر و چالاكوانه‌يل عراقى
شه‌فه‌ق نيوز/ وه‌زاره‌ت خارجيه‌ى ئه‌مريكا، جاريگتر داوا كرد واز له گرتنه ئامانج خوه‌ينيشانده‌ريل باريه‌ێد له عراق و له هه‌مان وه‌خت ئاماده‌گى خوه‌يشى نيشاندا له گرده‌وكردن راى گشتى ناوده‌وڵه‌تى وه‌رانوه‌ر رويداگه‌يل كوشتن به‌رنامه‌ڕێژ ك له‌تى چالاكوانه‌يل ئه‌گريه‌ێد ئامانج له عراق.
له‌ى باوه‌ته‌و، مۆرغان ئۆتاغۆس له لێدوانيگ ئه‌را كه‌ناڵ ئه‌لحوڕه ك له‌لايه‌ن ئه‌مريكاوه ته‌مويل ئه‌كريه‌ێد وت: هه‌ناى ك مه‌ردم وه شيوازيگ ئاشتيانه خوه‌ينيشانداين ئه‌نجام ئه‌يه‌ن ئيمه باوه‌ڕ ديريم وه ئازادى چاره‌نويسيان و بايه‌سه له‌بان وڵاته‌يل رێ وه خوه‌ينيشانده‌ره‌يل بيه‌ن راى خوه‌يان ده‌رخه‌ن و ئه‌وانه داواى حكومه‌ت خاس و شه‌فاف ئه‌كه‌ن و ئيمه‌يش پشتگيرى له‌ليان ئه‌كه‌يم له گشت وڵاته‌يل جه‌هان له‌وانه‌يش له عراق.
ئۆتاغۆس له‌باره‌ى كوشتن چالاكوانه‌يل له عراق وت: ئه‌مريكا ناكريه‌ێد هه‌ميشه زه‌مانه‌ت ئاسايش مه‌ردم وه ته‌واوى بكا، وه‌لێ ئه‌تويه‌نيم وه‌ل ئۆرپيه‌يل و ده‌وڵه‌ته‌يل ديموكراتخواز له جه‌هان كار بكه‌يم ك گرديانه‌و بكه‌يم له نه‌ته‌وه‌يل يه‌كگرتگ و بوونه‌يل ناوده‌وڵه‌تى و داواى موحاسبه‌كردن ئه‌و رژيمه‌يله بكه‌يم ك خوه‌ينيشانده‌ره‌يل و چالاكوانه‌يل ئه‌كوژن و وه‌رداوميش بويمن له پشتگيرى له‌ى بواره‌و له‌ڕوێ دبلۆماسيه‌و.
